tufan uTha raha hai mere dil mein sail-e-ashk
wo din KHuda na lae jo main aab-dida hun

Nazeer Akbarabadi

---

---

tu jo kal aane ko kahta hai 'nazir'
tujh ko malum hai kal kya hoga

Nazeer Akbarabadi

---

---

tu hai wo gul ai jaan ki tere bagh mein hai shauq
jibril ko bulbul ki tarah nara-zani ka

Nazeer Akbarabadi

---

---

sarsabz rakhiyo kisht ko ai chashm tu meri
teri hi aab se hai bas ab aabru meri

Nazeer Akbarabadi

---

---

suno main KHun ko apne sath le aaya hun aur baqi
chale aate hain uThte baiThte laKHt-e-jigar pichhe

Nazeer Akbarabadi

---

---

shahr-e-dil aabaad tha jab tak wo shahr-ara raha
jab wo shahr-ara gaya phir shahr-e-dil mein kya raha

Nazeer Akbarabadi

---

---

shab ko aa kar wo phir gaya haihat
kya isi raat hum ko sona tha

Nazeer Akbarabadi

---

---

tar rakhiyo sada ya-rab tu is mizha-e-tar ko
hum itr lagate hain garmi mein isi KHas ka

Nazeer Akbarabadi

---

---

sar-chashma-e-baqa se hargiz na aab lao
hazrat KHizar kahin se ja kar sharab lao

Nazeer Akbarabadi

---

---