toDe hain bahut shisha-e-dil jis ne 'nazir' aah
phir charKH wahi gumbad-e-minai hai kam-baKHt

Nazeer Akbarabadi

---

---

tumhaare hijr mein aankhen hamari muddat se
nahin ye jaantin duniya mein KHwab hai kya chiz

Nazeer Akbarabadi

---

---

tu hai wo gul ai jaan ki tere bagh mein hai shauq
jibril ko bulbul ki tarah nara-zani ka

Nazeer Akbarabadi

---

---

tu jo kal aane ko kahta hai 'nazir'
tujh ko malum hai kal kya hoga

Nazeer Akbarabadi

---

---

tufan uTha raha hai mere dil mein sail-e-ashk
wo din KHuda na lae jo main aab-dida hun

Nazeer Akbarabadi

---

---

us bewafa ne hum ko agar apne ishq mein
ruswa kiya KHarab kiya phir kisi ko kya

Nazeer Akbarabadi

---

---

wamandgan-e-rah to manzil pe ja paDe
ab tu bhi ai 'nazir' yahan se qadam tarash

Nazeer Akbarabadi

---

---

wo aap se ruTha nahin manne ka 'nazir' aah
kya dekhe hai chal panw paD aur us ko mana la

Nazeer Akbarabadi

---

---

wo mai-kade mein halawat hai rind-e-mai-kash ko
jo KHanqah mein hai parsa ko aish-o-tara

Nazeer Akbarabadi

---

---