meri is chashm-e-tar se abr-e-baran ko hai kya nisbat
ki wo dariya ka pani aur ye KHun-e-dil hai barsati

Nazeer Akbarabadi

---

---

mazmun-e-sard-mehri-e-jaanan raqam karun
gar hath aae kaghaz-e-kashmir ka waraq

Nazeer Akbarabadi

---

---

marta hai jo mahbub ki Thokar pe 'nazir' aah
phir us ko kabhi aur koi lat nahin lagti

Nazeer Akbarabadi

---

---

main hun patang-e-kaghzi Dor hai us ke hath mein
chaha idhar ghaTa diya chaha udhar baDha diya

Nazeer Akbarabadi

---

---

kis ko kahiye nek aur Thahraiye kis ko bura
ghaur se dekha to sab apne hi bhai-band hain

Nazeer Akbarabadi

---

---

kuchh hum ko imtiyaz nahin saf o durd ka
ai saqiyan-e-bazm bayarid harche hast

Nazeer Akbarabadi

---

---

koi to pagDi badalta hai auron se lekin
miyan 'nazir' hum ab tum se tan badalte hain

Nazeer Akbarabadi

---

---

kitna tanik safa hai ki pa-e-nigah ka
halka sa ek ghubar hai chehre ke rang pa

Nazeer Akbarabadi

---

---

kuche mein us ke baiThna husn ko us ke dekhna
hum to usi ko samjhe hain bagh bhi aur bahaar bhi

Nazeer Akbarabadi

---

---