munh zard o aah-e-sard o lab-e-KHushk o chashm-e-tar
sachchi jo dil-lagi hai to kya kya gawah hai

Nazeer Akbarabadi

---

---

muntazir us ke dila ta-ba-kuja baiThna
sham hui ab chalo subh phir aa baiThna

Nazeer Akbarabadi

---

---

na gul apna na KHar apna na zalim baghban apna
banaya aah kis gulshan mein hum ne aashiyan apna

Nazeer Akbarabadi

---

---

na itna zulm kar ai chandni bahr-e-KHuda chhup ja
tujhe dekhe se yaad aata hai mujh ko mahtab apna

Nazeer Akbarabadi

---

---

'nazir' ab is nadamat se kahun kya
fa-aha summa-aha summa-aha

Nazeer Akbarabadi

---

---

'nazir' teri ishaaraton se ye baaten ghairon ki sun raha hai
wagarna kis mein thi tab-o-taqat jo us se aa kar kalam karta

Nazeer Akbarabadi

---

---

pukara qasid-e-ashk aaj fauj-e-gham ke hathon se
hua taraj pahle shahr-e-jaan dil ka nagar pichhe

Nazeer Akbarabadi

---

---

qismat mein gar hamari ye mai hai to saqiya
be-iKHtiyar aap se shisha karega jast

Nazeer Akbarabadi

---

---

wamandgan-e-rah to manzil pe ja paDe
ab tu bhi ai 'nazir' yahan se qadam tarash

Nazeer Akbarabadi

---

---