us se kah do ki wo jafa na kare
kahin mujh sa use KHuda na kare

Muztar Khairabadi

---

---

uThe uTh kar chale chal kar thame tham kar kaha hoga
main kyun jaun bahut hain un ki haalat dekhne wale

Muztar Khairabadi

---

---

uThte joban pe khil paDe gesu
aa ke jogi base pahaDon mein

Muztar Khairabadi

---

---

wahan ja kar kiye hain main ne sajde apni hasti ko
jahan banda pahunch kar KHud KHuda malum hota hai

Muztar Khairabadi

---

---

waqt aaram ka nahin milta
kaam bhi kaam ka nahin milta

Muztar Khairabadi

---

---

waqt do mujh par kaThin guzre hain sari umr mein
ek tere aane se pahle ek tere jaane ke baad

Muztar Khairabadi

---

---

waqt-e-aKHir qaza se bigDegi
aap us waqt mein karam na karen

Muztar Khairabadi

---

---

wo gale se lipaT ke sote hain
aaj-kal garmiyan hain jaDon mein

Muztar Khairabadi

---

---

wo kahte hain ki kyun ji jis ko tum chaho wo kyun achchha
wo achchha kyun hai aur hum jis ko chahen wo bura kyun hai

Muztar Khairabadi

---

---