jo puchha munh dikhane aap kab chilman se niklenge
to bole aap jis din hashr mein madfan se niklenge
Muztar Khairabadi
kabe mein hum ne ja ke kuchh aur haal dekha
jab but-kade mein pahunche surat hi dusri thi
Muztar Khairabadi
kah do saqi se ki pyasa na nikale mujh ko
umr-bhar roenge miTTi ke piyale mujh ko
Muztar Khairabadi
kahin jo bulbul ne dekh paya to meri us ki nahin banegi
chaman mein jaane ko rose jao magar gulon se hansi na karna
Muztar Khairabadi
kaise dil lagta haram mein daur-e-paimana na tha
is liye phir aae kabe se ki mai-KHana na tha
Muztar Khairabadi
KHal-o-ariz ka tasawwur hai hamare dil mein
ek hindu bhi hai kabe mein musalman ke sath
Muztar Khairabadi
KHat phaD ke phenka hai to likkha bhi miTa do
kaghaz pe utarta hai bahut taw tumhaara
Muztar Khairabadi
KHidmat-e-gasht bagulon ko to di sahra mein
main bhi barbaad hun mujh ko bhi koi kaam bata
Muztar Khairabadi
KHizar bhi aap par aashiq hue hain
qaza aai hayat-e-jawidan ki
Muztar Khairabadi