jab talak zar hai to sab koi hai phir koi nahin
sach hai makkhi bhi rahe hai shakar-o-shir talak

Meer Hasan

---

---

jaise ki aaj wasl hua kya na chahiye
ek din bhi aawe aisa agar sau baras ke bich

Meer Hasan

---

---

jhuT-muT un se main kuchh maslahatan bolunga
sach hai tu bol na uThiyo dil-e-agah ki jhuT

Meer Hasan

---

---

jis tarah chaha likhin dil ne kaha yun mat likh
saikDon bar dhara aur uThaya kaghaz

Meer Hasan

---

---

jo koi aawe hai nazdik hi baiThe hai tere
hum kahan tak tere pahlu se sarakte jawen

whoever comes takes his place here right by your side
how long with this displacement from you shall I abide

Meer Hasan

---

---

kabe ko gaya chhoD ke kyun dil ko tu ai shaiKH
Tuk ji mein samajhta to sahi yan bhi to rab tha

Meer Hasan

---

---

kahta hai tu ki tujh ko pata nahin kabhi ghar
ye jhuT sach hai dekhun aaj apne ghar rahunga

Meer Hasan

---

---

kar ke bismil na tu ne phir dekha
bas isi gham mein jaan di hum ne

Meer Hasan

---

---

kha ke gham KHwan-e-ishq ke mehman
hath KHun-e-jigar se dhote hain

Meer Hasan

---

---