mat baKHt-e-KHufta par mere hans ai raqib tu
hoga tere nasib bhi ye KHwab dekhna

Meer Hasan

---

---

mar gaya hota na hoti qahr mein shamil jo mehr
sehhat-e-dil is dawa-e-mo'tadil ne ki gharaz

Meer Hasan

---

---

main to is Dar se kuchh nahin kahta
tu mabaada udas ho jawe

Meer Hasan

---

---

main ne paya na ise shahr mein na sahra mein
tu ne le ja ke mere dil ko kahan chhoD diya

Meer Hasan

---

---

main ne jo kaha mujh pe kya kya na sitam guzra
bola ki abe tera rote hi janam guzra

Meer Hasan

---

---

kya jaaniye ki baham kyun hum mein aur us mein
mauquf ho gaya hai ab wo tapak hona

Meer Hasan

---

---

kucha-e-yar hai aur dair hai aur kaba hai
dekhiye ishq hamein aah kidhar lawega

Meer Hasan

---

---

kis waqt mein basa tha ilahi ye mulk-e-dil
sadme hi paDte rahte hain nit is dayar pa

Meer Hasan

---

---

kya shikwa karen kunj-e-qafas ka dil-e-muztar
hum ne to chaman mein bhi Tuk aaram na paya

Meer Hasan

---

---