anda buton ka kis ke kahe se hua ye dil
haq ki taraf se kya use ilham kuchh hua

Meer Hasan

---

---

aaina hi ko kab tain dikhlaoge jamal
bahar khaDe hain kitne aur ummid-war bhi

Meer Hasan

---

---

asar howe na howe par bala se ji to bahlega
nikala shaghl tanhai mein main na-chaar rone ka

Meer Hasan

---

---

apne kahne mein to dil mutlaq nahin kis se kahen
kya karen ai naseho kuchh to karo irshad tum

Meer Hasan

---

---

ab jo chhuTe bhi hum qafas se to kya
ho chuki wan bahaar hi aaKHi

Meer Hasan

---

---

aashna bewafa nahin hota
bewafa aashna nahin hota

Meer Hasan

---

---

aasan na samajhiyo tum naKHwat se pak hona
ek umr kho ke hum ne sikha hai KHak hona

Meer Hasan

---

---

aah tazim ko uThti hai mere sine se
dil pe jab us ki nigahon ke KHadang aate hain

Meer Hasan

---

---

aah kya shikwa karun main hath se us ke hina
jab hui mere lahu ki rang tab dhone laga

Meer Hasan

---

---