mat ponchh abru-e-araq-alud hath se
lazim hai ehtiyat ki hai aab-dar tegh

Meer Hasan

---

---

mein hashr ko kya roun ki uTh jaane se tere
barpa hui ek mujh pe qayamat to yahin au

Meer Hasan

---

---

mere aaina-e-dil ka use manzur tha lena
jo ghairon mein kaha bhonDa bura bad-rang nakara

Meer Hasan

---

---

mizhgan se us ke kyunkar dil chhuT sake hamara
ghere hue hain is ko we KHar sab taraf se

Meer Hasan

---

---

mohabbat ka rasta ajab garm tha
qadam jab dhara KHak par jal gaya

Meer Hasan

---

---

mu se saped ne namak is mein mila diya
kaifiyyat ab rahi nahin jam-e-sharab mein

Meer Hasan

---

---

na gharaz mujh ko hai kafir se na din-dar se kaam
roz-o-shab hai mujhe us kakul-e-KHamdar se kaam

Meer Hasan

---

---

na leT is tarah munh par zulf ko bikhra ke ai zalim
zara uTh baiTh tu is dam ki donon waqt milte hain

Meer Hasan

---

---

naKHun na pahuncha aabla-e-dil talak 'hasan'
hum mar gae ye hum se na aaKHir girah gai

Meer Hasan

---

---