kucha-e-yar hai aur dair hai aur kaba hai
dekhiye ishq hamein aah kidhar lawega

Meer Hasan

---

---

kya jaaniye ki baham kyun hum mein aur us mein
mauquf ho gaya hai ab wo tapak hona

Meer Hasan

---

---

kya shikwa karen kunj-e-qafas ka dil-e-muztar
hum ne to chaman mein bhi Tuk aaram na paya

Meer Hasan

---

---

lagaya mohabbat ka jab yan shajar
shajar lag gaya aur samar jal gaya

Meer Hasan

---

---

main bhi ek mani-e-pechida ajab tha ki 'hasan'
guftugu meri na pahunchi kabhi taqrir talak

Meer Hasan

---

---

manind-e-aks dekha use aur na mil sake
kis ru se phir kahenge ki roz-e-visal tha

Meer Hasan

---

---

naKHun na pahuncha aabla-e-dil talak 'hasan'
hum mar gae ye hum se na aaKHir girah gai

Meer Hasan

---

---

kyun in dinon 'hasan' tu itna jhaTak gaya hai
zalim kahin tera dil kya phir aTak gaya hai

Meer Hasan

---

---

kyun giraftari ke bais muztarib sayyaad hun
lagte lagte ji qafas mein bhi mera lag jaega

Meer Hasan

---

---