us shoKH ke jaane se ajab haal hai mera
jaise koi bhule hue phirta hai kuchh apna

Meer Hasan

---

---

tu raha dil mein dil raha tujh mein
tis pe tera milap ho na saka

Meer Hasan

---

---

tu KHafa mujh se ho to ho lekin
main to tujh se KHafa nahin hota

Meer Hasan

---

---

Tuk dekh len chaman ko chalo lala-zar tak
kya jaane phir jien na jien hum bahaar tak

Meer Hasan

---

---

tha ru-e-zamin tang zi-bas hum ne nikali
rahne ke liye sher ke aalam mein zamin au

Meer Hasan

---

---

nazar aane se rah gaya az-bas
chha gaya intizar aankhon mein

Meer Hasan

---

---

naujawani ki did kar lije
apne mausam ki id kar lije

Meer Hasan

---

---

nau-giraftari ke bais muztarib sayyaad hun
lagte lagte ji qafas mein bhi mera lag jaega

Meer Hasan

---

---

qismat ne dur aisa hi phenka hamein ki hum
phir jite-ji pahunch na sake apne yar tak

Meer Hasan

---

---