ajnabi jaan ke kya nam-o-nishan puchhte ho
bhai hum bhi usi basti ke nikale hue hain

Irfan Siddiqi

---

---

ajab harif tha mere hi sath Dub gaya
mere safine ko gharqab dekhne ke liye

Irfan Siddiqi

---

---

ai parindo yaad karti hai tumhein pagal hawa
roz ek nauha sar-e-shaKH shajar sunta hun main

Irfan Siddiqi

---

---

ai lahu main tujhe maqtal se kahan le jaun
apne manzar hi mein har rang bhala lagta hai

Irfan Siddiqi

---

---

abhi se rasta kyun rokne lagi duniya
khaDe hue hain abhi apne ru-ba-ru hum log

Irfan Siddiqi

---

---

ab aa gai hai sahar apna ghar sambhaalne ko
chalun ki jaga hua raat bhar ka main bhi hun

Irfan Siddiqi

---

---

ishq kya kar-e-hawas bhi koi aasan nahin
KHair se pahle isi kaam ke qabil ho jao

Irfan Siddiqi

---

---

KHuda kare saf-e-sardadgan na ho KHali
jo main girun to koi dusra nikal aae

Irfan Siddiqi

---

---

KHiraj mang rahi hai wo shah-banu-e-shahr
so hum bhi hadiya-e-dast-e-talab guzarte hain

Irfan Siddiqi

---

---