kaha tha tum ne ki lata hai kaun ishq ki tab
so hum jawab tumhaare sawal hi ke to hain

Irfan Siddiqi

---

---

kabhi jo zahmat-e-kar-e-rafu nahin karta
hamare zaKHm usi chaaragar ke nam tamam

Irfan Siddiqi

---

---

jo tir buDhon ki fariyaad tak nahin sunte
to un ke samne bachchon ka muskurana kya

Irfan Siddiqi

---

---

jo kuchh hua wo kaise hua jaanta hun main
jo kuchh nahin hua wo bata kyun nahin hua

Irfan Siddiqi

---

---

jism ki ranaiyon tak KHwahishon ki bhiD hai
ye tamasha KHatm ho jae to ghar jaenge log

Irfan Siddiqi

---

---

jaane kya Than ke uThta hun nikalne ke liye
jaane kya soch ke darwaze se lauT aata hun

Irfan Siddiqi

---

---

jaan hum kar-e-mohabbat ka sila chahte the
dil-e-sada koi mazdur hai ujrat kaisi

Irfan Siddiqi

---

---

aaj tak un ki KHudai se hai inkar mujhe
main to ek umr se kafir hun sanam jaante hain

Irfan Siddiqi

---

---

hu ka aalam hai giraftaron ki aabaadi mein
hum to sunte the ki zanjir-e-giran bolti hai

Irfan Siddiqi

---

---