hoshiyari dil-e-nadan bahut karta hai
ranj kam sahta hai elan bahut karta hai

Irfan Siddiqi

---

---

hawa-e-kufa-e-na-mehrban ko hairat hai
ki log KHema-e-sabr-o-raza mein zinda hain

Irfan Siddiqi

---

---

harif-e-tegh-e-sitam-gar to kar diya hai tujhe
ab aur mujh se tu kya chahta hai sar mere

Irfan Siddiqi

---

---

hamein to KHair bikharna hi tha kabhi na kabhi
hawa-e-taza ka jhonka bahana ho gaya hai

Irfan Siddiqi

---

---

hamare dil ko ek aazar hai aisa nahin lagta
ki hum daftar bhi jate hain ghazal-KHwani bhi karte hain

Irfan Siddiqi

---

---

hum to sahra hue jate the ki us ne aa kar
shahr aabaad kiya nahr-e-saba jari ki

Irfan Siddiqi

---

---

hum to raat ka matlab samjhen KHwab, sitare, chand, charagh
aage ka ahwal wo jaane jis ne raat guzari ho

Irfan Siddiqi

---

---