hai bahut kuchh meri tabir ki duniya tujh mein
phir bhi kuchh hai ki jo KHwabon ke jahan se kam hai

Irfan Siddiqi

---

---

ek main hun ki is aashob-e-nawa mein chup hun
warna duniya mere zaKHmon ki zaban bolti hai

Irfan Siddiqi

---

---

ek laDka shahr ki raunaq mein sab kuchh bhul jae
ek buDhiya roz chaukhaT par diya raushan kare

Irfan Siddiqi

---

---

dekh leta hai to khilte chale jate hain gulab
meri miTTi ko KHush-asar kiya hai us ne

Irfan Siddiqi

---

---

daulat-e-sar hun so har jitne wala lashkar
tasht mein rakhta hai neze pe sajata hai mujhe

Irfan Siddiqi

---

---

hum sab aaina-dar-aina-dar-aina hain
kya KHabar kaun kahan kis ki taraf dekhta hai

Irfan Siddiqi

---

---

adan ke donon kinaron se jal raha hun main
ki chhu raha hun tujhe aur pighal raha hun main

Irfan Siddiqi

---

---

apne kis kaam mein laega batata bhi nahin
hum ko auron pe ganwana bhi nahin chahta hai

Irfan Siddiqi

---

---

apne chaaron samt diwaren uThana raat din
raat din phir sari diwaron mein dar karna mujhe

Irfan Siddiqi

---

---