tabl-o-alam hi pas hai apne na mulk o mal
hum se KHilaf ho ke karega zamana kya

Haidar Ali Aatish

---

---

sun to sahi jahan mein hai tera fasana kya
kahti hai tujh ko KHalq-e-KHuda ghaebana kya

Haidar Ali Aatish

---

---

siwae ranj kuchh hasil nahin hai is KHarabe mein
ghanimat jaan jo aaram tu ne koi dam paya

Haidar Ali Aatish

---

---

shirin ke shefta hue parwez o kohkan
shaer hun main ye kahta hun mazmun laD gaya

Haidar Ali Aatish

---

---

shahr mein qafiya-paimai bahut ki 'atish'
ab irada hai mera baadiya-paimai ka

Haidar Ali Aatish

---

---

shab-e-wasl thi chandni ka saman tha
baghal mein sanam tha KHuda mehrban tha

Haidar Ali Aatish

---

---

saKHti-e-rah khinchiye manzil ke shauq mein
aaram ki talash mein iza uThaiye

Haidar Ali Aatish

---

---

safar hai shart musafir-nawaz bahutere
hazar-ha shajar-e-saya-dar rah mein hai

Haidar Ali Aatish

---

---

akh ke munh so gae hum aatishin ruKHsaron par
dil ko tha chain to nind aa gai angaron pa

Haidar Ali Aatish

---

---