qaid-e-mazhab ki giraftari se chhuT jata hai
ho na diwana to hai aql se insan KHali
Haidar Ali Aatish
mard-e-darwesh hun takiya hai tawakkul mera
KHarch har roz hai yan aamad-e-baalai ka
Haidar Ali Aatish
masnad-e-shahi ki hasrat hum faqiron ko nahin
farsh hai ghar mein hamare chadar-e-mahtab ka
we mendicants do not long for royal quilted thrones
our homes have floors
Haidar Ali Aatish
mast hathi hai teri chashm-e-siyah-mast ai yar
saf-e-mizhgan use ghere hue hai bhaalon se
Haidar Ali Aatish
mehndi lagane ka jo KHayal aaya aap ko
sukhe hue daraKHt hina ke hare hue
Haidar Ali Aatish
meri tarah se mah-o-mahr bhi hain aawara
kisi habib ki ye bhi hain justuju karte
Haidar Ali Aatish
na gor-e-sikandar na hai qabr-e-dara
miTe namiyon ke nishan kaise kaise
Haidar Ali Aatish
na jab tak koi ham-pyala ho main mai nahin pita
nahin mehman to faqa hai KHalilullah ke ghar mein
Haidar Ali Aatish
na pak hoga kabhi husn o ishq ka jhagDa
wo qissa hai ye ki jis ka koi gawah nahin
Haidar Ali Aatish