aad farhad ke phir koh-kani main ne ki
baad majnun ke kiya main ne bayaban aabaad

Haidar Ali Aatish

---

---

amrad-parast hai to gulistan ki sair kar
har naunihaal rashk hai yan KHurd-sal ka

Haidar Ali Aatish

---

---

ut-KHana toD Daliye masjid ko Dhaiye
dil ko na toDiye ye KHuda ka maqam hai

you may excavate the temple, the mosque you may explode
do not break the heart of man, for this is God's abode

Haidar Ali Aatish

---

---

aisi unchi bhi to diwar nahin ghar ki tere
raat andheri koi aawegi na barsat mein kya

Haidar Ali Aatish

---

---

ai sanam jis ne tujhe chand si surat di hai
usi allah ne mujh ko bhi mohabbat di hai

Haidar Ali Aatish

---

---

ai falak kuchh to asar husn-e-amal mein hota
shisha ek roz to waiz ke baghal mein hota

Haidar Ali Aatish

---

---

aatish-e-mast jo mil jae to puchhun us se
tu ne kaifiyyat uThai hai KHarabaat mein kya

Haidar Ali Aatish

---

---

aasman aur zamin ka hai tafawut har-chand
ai sanam dur hi se chand sa mukhDa dikhla

Haidar Ali Aatish

---

---

aasar-e-ishq aankhon se hone lage ayan
bedari ki taraqqi hui KHwab kam hua

Haidar Ali Aatish

---

---