aisi unchi bhi to diwar nahin ghar ki tere
raat andheri koi aawegi na barsat mein kya
Haidar Ali Aatish
aae bhi log baiThe bhi uTh bhi khaDe hue
main ja hi DhunDta teri mahfil mein rah gaya
in your presence others were seated with charm and grace
whilst I remained unheeded, for me there was no place
Haidar Ali Aatish
ai falak kuchh to asar husn-e-amal mein hota
shisha ek roz to waiz ke baghal mein hota
Haidar Ali Aatish
aatish-e-mast jo mil jae to puchhun us se
tu ne kaifiyyat uThai hai KHarabaat mein kya
Haidar Ali Aatish
aasman aur zamin ka hai tafawut har-chand
ai sanam dur hi se chand sa mukhDa dikhla
Haidar Ali Aatish
aasar-e-ishq aankhon se hone lage ayan
bedari ki taraqqi hui KHwab kam hua
Haidar Ali Aatish
aap ki nazuk kamar par bojh paDta hai bahut
baDh chale hain had se gesu kuchh inhen kam kijiye
Haidar Ali Aatish
aaj tak apni jagah dil mein nahin apne hui
yar ke dil mein bhala puchho to ghar kyun-kar karen
Haidar Ali Aatish
aafat-e-jaan hui us ru-e-kitabi ki yaad
ras aaya na mujhe hafiz-e-quran hona
Haidar Ali Aatish