na udas ho na malal kar kisi baat ka na KHayal kar
kai sal baad mile hain hum tere nam aaj ki sham hai

Bashir Badr

---

---

nae daur ke nae KHwab hain nae mausamon ke gulab hain
ye mohabbaton ke charagh hain inhen nafraton ki hawa na de

Bashir Badr

---

---

nam pani pe likhne se kya faeda
likhte likhte tere hath thak jaenge

Bashir Badr

---

---

nahin hai mere muqaddar mein raushni na sahi
ye khiDki kholo zara subh ki hawa hi lage

Bashir Badr

---

---

pahchan apni hum ne miTai hai is tarah
bachchon mein koi baat hamari na aaegi

Bashir Badr

---

---

pahli bar nazron ne chand bolte dekha
hum jawab kya dete kho gae sawalon mein

Bashir Badr

---

---

patthar ke jigar walo gham mein wo rawani hai
KHud rah bana lega bahta hua pani hai

Bashir Badr

---

---

patthar mujhe kahta hai mera chahne wala
main mom hun us ne mujhe chhu kar nahin dekha

Bashir Badr

---

---

phir se KHuda banaega koi naya jahan
duniya ko yun miTaegi ikkiswin sadi

Bashir Badr

---

---