mere sath chalne wale tujhe kya mila safar mein
wahi dukh-bhari zamin hai wahi gham ka aasman hai

Bashir Badr

---

---

mohabbat adawat wafa be-ruKHi
kirae ke ghar the badalte rahe

Bashir Badr

---

---

mohabbat ek KHushbu hai hamesha sath chalti hai
koi insan tanhai mein bhi tanha nahin rahta

Bashir Badr

---

---

mohabbaton mein dikhawe ki dosti na mila
agar gale nahin milta to hath bhi na mila

Bashir Badr

---

---

muddat se ek laDki ke ruKHsar ki dhup nahin aai
is liye mere kamre mein itni ThanDak rahti hai

Bashir Badr

---

---

mujh se kya baat likhani hai ki ab mere liye
kabhi sone kabhi chandi ke qalam aate hain

Bashir Badr

---

---

mujhe ishtihaar si lagti hain ye mohabbaton ki kahaniyan
jo kaha nahin wo suna karo jo suna nahin wo kaha karo

Bashir Badr

---

---

mujhe lagta hai dil khinch kar chala aata hai hathon par
tujhe likkhun to meri ungliyan aisi dhaDakti hain

Bashir Badr

---

---

mujhe malum hai us ka Thikana phir kahan hoga
parinda aasman chhune mein jab nakaam ho jae

Bashir Badr

---

---