اسے کہو جو بلاتا ہے گہرے پانی میں
کنارے سے بندھی کشتی کا مسئلہ سمجھے

اظہر فراغ

---

---

ٹھہرنا بھی مرا جانا شمار ہونے لگا
پڑے پڑے میں پرانا شمار ہونے لگا

اظہر فراغ

---

---

تیز آندھی میں یہ بھی کافی ہے
پیڑ تصویر میں بچا لیا جائے

اظہر فراغ

---

---

تیری شرطوں پہ ہی کرنا ہے اگر تجھ کو قبول
یہ سہولت تو مجھے سارا جہاں دیتا ہے

اظہر فراغ

---

---

میری نمو ہے تیرے تغافل سے وابستہ
کم بارش بھی مجھ کو کافی ہو سکتی ہے

اظہر فراغ

---

---

منظر شام غریباں ہے دم رخصت خواب
تعزیے کی طرح اٹھا ہے کوئی بستر سے

اظہر فراغ

---

---

میں جانتا ہوں مجھے مجھ سے مانگنے والے
پرائی چیز کا جو لوگ حال کرتے ہیں

اظہر فراغ

---

---

محسوس کر لیا تھا بھنور کی تھکان کو
یونہی تو خود کو رقص پہ مائل نہیں کیا

اظہر فراغ

---

---

کچھ نہیں دے رہا سجھائی ہمیں
اس قدر روشنی کا کیا کیجے

اظہر فراغ

---

---