aaj ek aur baras bit gaya us ke baghair
jis ke hote hue hote the zamane mere

Ahmad Faraz

---

---

na shab o roz hi badle hain na haal achchha hai
kis barhaman ne kaha tha ki ye sal achchha hai

Ahmad Faraz

---

---

kisi ko sal-e-nau ki kya mubarakbaad di jae
calender ke badalne se muqaddar kab badalta hai

Aitbar Sajid

---

---

mubarak mubarak naya sal aaya
KHushi ka saman sari duniya pe chhaya

Akhtar Shirani

---

---

palaT si gai hai zamane ki kaya
naya sal aaya naya sal aaya

Akhtar Shirani

---

---

purane sal ki ThiThuri hui parchhaiyan simTin
nae din ka naya suraj ufuq par uThta aata hai

Ali Sardar Jafri

---

---

ye kis ne phone pe di sal-e-nau ki tahniyat mujh ko
tamanna raqs karti hai taKHayyul gungunata hai

Ali Sardar Jafri

---

---