KHuda ne gaDh to diya aalam-e-wajud magar
sajawaTon ki bina auraton ki zat hui

Abdul Hamid Adam

---

---

kaun angDai le raha hai 'adam'
do jahan laDkhaDae jate hain

Abdul Hamid Adam

---

---

kashti chala raha hai magar kis ada ke sath
hum bhi na Dub jaen kahin na-KHuda ke sath

Abdul Hamid Adam

---

---

kahte hain umr-e-rafta kabhi lauTti nahin
ja mai-kade se meri jawani uTha ke la

tis said this fleeting life once gone never returns
go to the tavern and bring back my youth again

Abdul Hamid Adam

---

---

kabhi to dair-o-haram se tu aaega wapas
main mai-kade mein tera intizar kar lunga

Abdul Hamid Adam

---

---

junun ab manzilen tai kar raha hai
KHirad rasta dikha kar rah gai hai

Abdul Hamid Adam

---

---

jo akasr bar-war hone se pahle TuT jate the
wahi KHasta shikasta ahd-o-paiman yaad aate hain

Abdul Hamid Adam

---

---

aankh ka e'tibar kya karte
jo bhi dekha wo KHwab mein dekha

Abdul Hamid Adam

---

---

jin se insan ko pahunchti hai hamesha taklif
un ka dawa hai ki wo asl KHuda wale hain

Abdul Hamid Adam

---

---