mujhe tauba ka pura ajr milta hai usi saat
koi zohra-jabin pine pe jab majbur karta hai

Abdul Hamid Adam

---

---

pir-e-mughan se hum ko koi bair to nahin
thoDa sa iKHtilaf hai mard-e-KHuda ke sath

Abdul Hamid Adam

---

---

saqi mere KHulus ki shiddat ko dekhna
phir aa gaya hun gardish-e-dauran ko Tal ka

Abdul Hamid Adam

---

---

saqi mujhe sharab ki tohmat nahin pasand
mujh ko teri nigah ka ilzam chahiye

the charge of being affected by wine, I do despise
I want to be accused of feasting from your eyes

Abdul Hamid Adam

---

---

saqi tujhe ek thoDi si taklif to hogi
saghar ko zara tham main kuchh soch raha hun

Abdul Hamid Adam

---

---

saqi zara nigah mila kar to dekhna
kambaKHt hosh mein to nahin aa gaya hun main

Abdul Hamid Adam

---

---

sab ko pahuncha ke un ki manzil par
aap raste mein rah gaya hun main

Abdul Hamid Adam

---

---

sawal kar ke main KHud hi bahut pasheman hun
jawab de ke mujhe aur sharmsar na ka

Abdul Hamid Adam

---

---

shayad mujhe nikal ke pachhta rahe hon aap
mahfil mein is KHayal se phir aa gaya hun main

Abdul Hamid Adam

---

---