ai gham-e-zindagi na ho naraaz
mujh ko aadat hai muskurane ki

Abdul Hamid Adam

---

---

ai dost mohabbat ke sadme tanha hi uThane paDte hain
rahbar to faqat is raste mein do gam sahaara dete hain

Abdul Hamid Adam

---

---

'adam' roz-e-ajal jab qismaten taqsim hoti thin
muqaddar ki jagah main saghar-o-mina uTha laya

Abdul Hamid Adam

---

---

aap ek zahmat-e-nazar to karen
kaun behosh ho nahin sakta

Abdul Hamid Adam

---

---

aankhon se pilate raho saghar mein na Dalo
ab hum se koi jam uThaya nahin jata

Abdul Hamid Adam

---

---

jis se chhupna chahta hun main 'adam'
wo sitamgar ja-ba-ja maujud hai

Abdul Hamid Adam

---

---

kuchh kuchh meri aankhon ka tasarruf bhi hai shamil
itna to hasin tu mere gulfam nahin hai

Abdul Hamid Adam

---

---

kisi jaanib se koi mah-jabin aane hi wala hai
mujhe yaad aa rahi hai aaj mathura aur kashi ki

Abdul Hamid Adam

---

---

kisi hasin se lipaTna ashad zaruri hai
hilal-e-id to koi subut-e-id nahin

Abdul Hamid Adam

---

---