shauqiya koi nahin hota ghalat
is mein kuchh teri raza maujud hai

Abdul Hamid Adam

---

---

muddaa dur tak gaya lekin
aarzu lauT kar nahin aai

Abdul Hamid Adam

---

---

mujhe tauba ka pura ajr milta hai usi saat
koi zohra-jabin pine pe jab majbur karta hai

Abdul Hamid Adam

---

---

naujawani mein parsa hona
kaisa kar-e-zabun hai pyare

Abdul Hamid Adam

---

---

pahle baDi raghbat thi tere nam se mujh ko
ab sun ke tera nam main kuchh soch raha hun

Abdul Hamid Adam

---

---

phir aaj 'adam' sham se ghamgin hai tabiat
phir aaj sar-e-sham main kuchh soch raha hun

Abdul Hamid Adam

---

---

pir-e-mughan se hum ko koi bair to nahin
thoDa sa iKHtilaf hai mard-e-KHuda ke sath

Abdul Hamid Adam

---

---

saqi mere KHulus ki shiddat ko dekhna
phir aa gaya hun gardish-e-dauran ko Tal ka

Abdul Hamid Adam

---

---

saqi mujhe sharab ki tohmat nahin pasand
mujh ko teri nigah ka ilzam chahiye

the charge of being affected by wine, I do despise
I want to be accused of feasting from your eyes

Abdul Hamid Adam

---

---