dekha hai kis nigah se tu ne sitam-zarif
mahsus ho raha hai main gharq-e-sharab hun

Abdul Hamid Adam

---

---

darogh ke imtihan-kade mein sada yahi karobar hoga
jo baDh ke taid-e-haq karega wahi sazawar-e-dar hoga

Abdul Hamid Adam

---

---

chhup chhup ke jo aata hai abhi meri gali mein
ek roz mere sath sar-e-am chalega

Abdul Hamid Adam

---

---

har dil-fareb chiz nazar ka ghubar hai
aankhen hasin hon to KHizan bhi bahaar hai

Abdul Hamid Adam

---

---

ole koi hans kar to chhiDak dete hain jaan bhi
lekin koi ruThe to manaya nahin jata

Abdul Hamid Adam

---

---

arish sharab-e-arsh hai ye soch kar 'adam'
barish ke sab huruf ko ulTa ke pi gaya

Abdul Hamid Adam

---

---

aDh ke tufan ko aaghosh mein le le apni
Dubne wale tere hath se sahil to gaya

Abdul Hamid Adam

---

---

az auqat kisi aur ke milne se 'adam'
apni hasti se mulaqat bhi ho jati hai

Abdul Hamid Adam

---

---

aur to dil ko nahin hai koi taklif 'adam'
han zara nabz kisi waqt Thahar jati hai

Abdul Hamid Adam

---

---