kahin kahin se kuchh misre ek-adh ghazal kuchh sher
is punji par kitna shor macha sakta tha main

Iftikhar Arif

---

---

zindagi bhar ki kamai yahi misre do-chaar
is kamai pe to izzat nahin milne wali

Iftikhar Arif

---

---

ye tere ashaar teri manawi aulad hain
apne bachche bechna 'iqbaal-sajid' chhoD de

Iqbal Sajid

---

---

ashaar mere yun to zamane ke liye hain
kuchh sher faqat un ko sunane ke liye hain

Jaan Nisar Akhtar

---

---

hum se puchho ki ghazal kya hai ghazal ka fan kya
chand lafzon mein koi aag chhupa di jae

Jaan Nisar Akhtar

---

---

hamare sher ko sun kar sukut KHub nahin
bayan kijiye is mein jo kuchh tammul ho

Joshish Azimabadi

---

---

'kaif' yun aaghosh-e-fan mein zehn ko nind aa gai
jaise man ki god mein bachcha sisak kar so gaya

Kaif Ahmed Siddiqui

---

---