ghazal ka sher to hota hai bas kisi ke liye
magar sitam hai ki sab ko sunana paDta hai

Azhar Inayati

---

---

hazaron sher mere so gae kaghaz ki qabron mein
ajab man hun koi bachcha mera zinda nahin rahta

Bashir Badr

---

---

mera har sher hai ek raaz-e-haqiqat 'beKHud'
main hun urdu ka 'naziri' mujhe tu kya samjha

Bekhud Dehlvi

---

---

is ko samjho na KHatt-e-nafs 'hafiz'
aur hi kuchh hai shaeri se gharaz

Hafeez Jaunpuri

---

---

andish-e-alfaz jaDne se nigun ke kam nahin
shaeri bhi kaam hai 'atish' murassa-saz ka

Haidar Ali Aatish

---

---

hai mashq-e-suKHan jari chakki ki mashaqqat bhi
ek turfa tamasha hai 'hasrat' ki tabiat bhi

Hasrat Mohani

---

---

sher dar-asl hain wahi 'hasrat'
sunte hi dil mein jo utar jaen

Hasrat Mohani

---

---