mai-kasho der hai kya daur chale bismillah
aai hai shisha-o-saghar ki talabgar ghaTa

Aagha Akbarabadi

---

---

mai-kashi ke bhi kuchh aadab baratna sikho
hath mein apne agar jam liya hai tum ne

Aal-e-Ahmad Suroor

---

---

mujhe tauba ka pura ajr milta hai usi saat
koi zohra-jabin pine pe jab majbur karta hai

Abdul Hamid Adam

---

---

wo mile bhi to ek jhijhak si rahi
kash thoDi si hum piye hote

Abdul Hamid Adam

---

---

zaban-e-hosh se ye kufr sarzad ho nahin sakta
main kaise bin piye le lun KHuda ka nam ai saqi

Abdul Hamid Adam

---

---

pi ke jite hain ji ke pite hain
hum ko raghbat hai aise jine se

Altaf Mashhadi

---

---

KHushk baaton mein kahan hai shaiKH kaif-e-zindagi
wo to pi kar hi milega jo maza pine mein hai

o priest where is the pleasure in this world when dry and sere
tis only when one drinks will then the joy truly appea

Arsh Malsiyani

---

---