main bad-nasib hun mujh ko na de KHushi itni
ki main KHushi ko bhi le kar KHarab kar dunga

Abdul Hamid Adam

---

---

tamam umr KHushi ki talash mein guzri
tamam umr taraste rahe KHushi ke liye

Abul Mujahid Zahid

---

---

mujhe KHabar nahin gham kya hai aur KHushi kya hai
ye zindagi ki hai surat to zindagi kya hai

Ahsan Marahravi

---

---

aish hi aish hai na sab gham hai
zindagi ek hasin sangam hai

Ali Jawwad Zaidi

---

---

ek wo hain ki jinhen apni KHushi le Dubi
ek hum hain ki jinhen gham ne ubharne na diya

Azad Gulati

---

---

saut kya shai hai KHamushi kya hai
gham kise kahte hain KHushi kya hai

Farhat Shahzad

---

---

safed-poshi-e-dil ka bharam bhi rakhna hai
teri KHushi ke liye tera gham bhi rakhna hai

Fazil Jamili

---

---