ulfat mein barabar hai wafa ho ki jafa ho
har baat mein lazzat hai agar dil mein maza ho

Ameer Minai

---

---

dil-lagi mein hasrat-e-dil kuchh nikal jati to hai
bose le lete hain hum do-chaar hanste bolte

Amirullah Tasleem

---

---

dil par choT paDi hai tab to aah labon tak aai hai
yun hi chhan se bol uThna to shishe ka dastur nahin

Andaleeb Shadani

---

---

dil na kaba hai ne kalisa hai
tera ghar hai harim-e-mariyam hai

Anjum Azmi

---

---

dil se uThta hai subh-o-sham dhuan
koi rahta hai is makan mein abhi

Anjum Rumani

---

---

dil jo TuTega to ek tarfa charaghan hoga
kitne aainon mein wo shakl dikhai degi

Anwar Masood

---

---

dil sulagta hai tere sard rawayye se mera
dekh ab barf ne kya aag laga rakkhi hai

Anwar Masood

---

---