phirte hue kisi ki nazar dekhte rahe
dil KHun ho raha tha magar dekhte rahe

Asar Lakhnavi

---

---

jism paband-e-gul sahi 'abid'
dil magar wahshaton ki basti hai

Asghar Abid

---

---

dil ki jagir mein mera bhi koi hissa rakh
main bhi tera hun mujhe bhi to kahin rahna hai

Ashfaq Husain

---

---

dil wo sahra hai jahan hasrat-e-saya bhi nahin
dil wo duniya hai jahan rang hai ranai hai

Ata Shad

---

---

hum ko na mil saka to faqat ek sukun-e-dil
ai zindagi wagarna zamane mein kya na tha

Azad Ansari

---

---

yaadon ki mahfil mein kho kar
dil apna tanha tanha hai

Azad Gulati

---

---

KHun hua dil ki pashiman-e-sadaqat hai wafa
KHush hua ji ki chalo aaj tumhaare hue log

Aziz Hamid Madni

---

---