آ گیا تھا ایک دن لب پر جفاؤں کا گلا
آج تک جب ان سے ملتے ہیں تو شرماتے ہیں ہم

شفیق جونپوری

---

---

فریب روشنی میں آنے والو میں نہ کہتا تھا
کہ بجلی آشیانے کی نگہباں ہو نہیں سکتی

شفیق جونپوری

---

---

عشق کی ابتدا تو جانتے ہیں
عشق کی انتہا نہیں معلوم

شفیق جونپوری

---

---

جلا وہ شمع کہ آندھی جسے بجھا نہ سکے
وہ نقش بن کہ زمانہ جسے مٹا نہ سکے

شفیق جونپوری

---

---

کمال عاشقی ہر شخص کو حاصل نہیں ہوتا
ہزاروں میں کوئی مجنوں کوئی فرہاد ہوتا ہے

شفیق جونپوری

---

---

کشتی کا ذمے دار فقط ناخدا نہیں
کشتی میں بیٹھنے کا سلیقہ بھی چاہئے

شفیق جونپوری

---

---

تجھے ہم دوپہر کی دھوپ میں دیکھیں گے اے غنچے
ابھی شبنم کے رونے پر ہنسی معلوم ہوتی ہے

شفیق جونپوری

---

---