aadam ka jism jab ki anasir se mil bana
kuchh aag bach rahi thi so aashiq ka dil bana

Sauda Mohammad Rafi

---

---

abas tu ghar basata hai meri aankhon mein ai pyare
kisi ne aaj tak dekha bhi hai pani pe ghar Thahra

Sauda Mohammad Rafi

---

---

ammame ko utar ke paDhiyo namaz shaiKH
sajde se warna sar ko uThaya na jaega

Sauda Mohammad Rafi

---

---

aadshahat do jahan ki bhi jo howe mujh ko
tere kuche ki gadai se na kho de mujh ko

Sauda Mohammad Rafi

---

---

adla tere sitam ka koi tujh se kya kare
apna hi tu farefta howe KHuda kare

Sauda Mohammad Rafi

---

---

e-sabaati zamane ki na-chaar
karni mujh ko bayan paDti hai

Sauda Mohammad Rafi

---

---

dikhaunga tujhe zahid us aafat-e-din ko
KHalal dimagh mein tere hai parsai ka

Sauda Mohammad Rafi

---

---

dil ke TukDon ko baghal-gir liye phirta hun
kuchh ilaj is ka bhi ai shisha-giran hai ki nahin

Sauda Mohammad Rafi

---

---

dil mat Tapak nazar se ki paya na jaega
jun ashk phir zamin se uThaya na jaega

Sauda Mohammad Rafi

---

---