kahiyo saba salam hamara bahaar se
hum to chaman ko chhoD ke su-e-qafas chale

Sauda Mohammad Rafi

---

---

kahte the hum na dekh saken roz-e-hijr ko
par jo KHuda dikhae so na-chaar dekhna

Sauda Mohammad Rafi

---

---

kaifiyyat-e-chashm us ki mujhe yaad hai 'sauda'
saghar ko mere hath se lijo ki chala main

Sauda Mohammad Rafi

---

---

kaun kisi ka gham khata hai
kahne ko gham-KHwar hai duniya

Sauda Mohammad Rafi

---

---

kis munh se phir tu aap ko kahta hai ishq-baz
ai ru-siyah tujh se to ye bhi na ho saka

Sauda Mohammad Rafi

---

---

kise taqat hai sharh-e-shauq us majlis mein karne ki
uTha dene ke Dar se sans wan lete hain rah rah ke

Sauda Mohammad Rafi

---

---