dil mat Tapak nazar se ki paya na jaega
jun ashk phir zamin se uThaya na jaega

Sauda Mohammad Rafi

---

---

aadam ka jism jab ki anasir se mil bana
kuchh aag bach rahi thi so aashiq ka dil bana

Sauda Mohammad Rafi

---

---

firaq-e-KHuld se gandum hai sina-chaak ab tak
ilahi ho na watan se koi gharib juda

Sauda Mohammad Rafi

---

---

gar ho sharab o KHalwat o mahbub-e-KHub-ru
zahid qasam hai tujh ko jo tu ho to kya kare

Sauda Mohammad Rafi

---

---

gar tujh mein hai wafa to jafakar kaun hai
dil-dar tu hua to dil-azar kaun hai

Sauda Mohammad Rafi

---

---

gharaz kufr se kuchh na din se hai matlab
tamasha-e-dair-o-haram dekhte hain

Sauda Mohammad Rafi

---

---

gila likhun main agar teri bewafai ka
lahu mein gharq safina ho aashnai ka

Sauda Mohammad Rafi

---

---

gul phenke hai auron ki taraf balki samar bhi
ai KHana-bar-andaz-e-chaman kuchh to idhar bhi

Sauda Mohammad Rafi

---

---

hai muddaton se KHana-e-zanjir be-sada
malum hi nahin ki diwane kidhar gae

Sauda Mohammad Rafi

---

---