phir kho na jaen hum kahin duniya ki bhiD mein
milti hai pas aane ki mohlat kabhi kabhi
Sahir Ludhianvi
mere KHwabon mein bhi tu mere KHayalon mein bhi tu
kaun si chiz tujhe tujh se juda pesh karun
Sahir Ludhianvi
meri nadim mohabbat ki rifaton se na gir
buland baam-e-haram hi nahin kuchh aur bhi hai
Sahir Ludhianvi
mohabbat tark ki main ne gareban si liya main ne
zamane ab to KHush ho zahr ye bhi pi liya main ne
Sahir Ludhianvi
nalan hun main bedari-e-ehsas ke hathon
duniya mere afkar ki duniya nahin hoti
Sahir Ludhianvi
angon mein tera aks Dhala tu na Dhal saki
sanson ki aanch jism ki KHushbu na Dhal saki
Sahir Ludhianvi
sansar ki har shai ka itna hi fasana hai
ek dhund se aana hai ek dhund mein jaana hai
Sahir Ludhianvi
main zindagi ka sath nibhata chala gaya
har fikr ko dhuen mein uData chala gaya
Sahir Ludhianvi
phir na kije meri gustaKH-nigahi ka gila
dekhiye aap ne phir pyar se dekha mujh ko
Sahir Ludhianvi