dulhan bani hui hain rahen
jashn manao sal-e-nau ke

Sahir Ludhianvi

---

---

duniya ne tajrabaat o hawadis ki shakl mein
jo kuchh mujhe diya hai wo lauTa raha hun main

Sahir Ludhianvi

---

---

gham aur KHushi mein farq na mahsus ho jahan
main dil ko us maqam pe lata chala gaya

Sahir Ludhianvi

---

---

gar zindagi mein mil gae phir ittifaq se
puchhenge apna haal teri bebasi se hum

Sahir Ludhianvi

---

---

hum gham-zada hain laen kahan se KHushi ke git
denge wahi jo paenge is zindagi se hum

Sahir Ludhianvi

---

---

hum jurm-e-mohabbat ki saza paenge tanha
jo tujh se hui ho wo KHata sath liye ja

Sahir Ludhianvi

---

---

hum se agar hai tark-e-talluq to kya hua
yaro koi to un ki KHabar puchhte chalo

Sahir Ludhianvi

---

---

hum to samjhe the ki hum bhul gae hain un ko
kya hua aaj ye kis baat pe rona aaya

Sahir Ludhianvi

---

---

hamin se rang-e-gulistan hamin se rang-e-bahaar
hamin ko nazm-e-gulistan pe iKHtiyar nahin

Sahir Ludhianvi

---

---