apni tabahiyon ka mujhe koi gham nahin
tum ne kisi ke sath mohabbat nibha to di

at my own destruction I do not moan or weep
for faith at least with someone, you managed to keep

Sahir Ludhianvi

---

---

abhi zinda hun lekin sochta rahta hun KHalwat mein
ki ab tak kis tamanna ke sahaare ji liya main ne

Sahir Ludhianvi

---

---

abhi na chheD mohabbat ke git ai mutrib
abhi hayat ka mahaul KHush-gawar nahin

Sahir Ludhianvi

---

---

ab aaen ya na aaen idhar puchhte chalo
kya chahti hai un ki nazar puchhte chalo

Sahir Ludhianvi

---

---

aap daulat ke taraazu mein dilon ko taulen
hum mohabbat se mohabbat ka sila dete hain

Sahir Ludhianvi

---

---

andheri shab mein bhi tamir-e-ashiyan na ruke
nahin charagh to kya barq to chamakti hai

Sahir Ludhianvi

---

---

hum jurm-e-mohabbat ki saza paenge tanha
jo tujh se hui ho wo KHata sath liye ja

Sahir Ludhianvi

---

---

hum se agar hai tark-e-talluq to kya hua
yaro koi to un ki KHabar puchhte chalo

Sahir Ludhianvi

---

---

hum to samjhe the ki hum bhul gae hain un ko
kya hua aaj ye kis baat pe rona aaya

Sahir Ludhianvi

---

---