آنکھ تمہاری مست بھی ہے اور مستی کا پیمانہ بھی
ایک چھلکتے ساغر میں مے بھی ہے مے خانہ بھی

ساغر نظامی

---

---

آؤ اک سجدہ کروں عالم بد سمتی میں
لوگ کہتے ہیں کہ ساغرؔ کو خدا یاد نہیں

ساغر نظامی

---

---

ڈھونڈھنے کو تجھے او میرے نہ ملنے والے
وہ چلا ہے جسے اپنا بھی پتا یاد نہیں

ساغر نظامی

---

---

دل کی بربادیوں کا رونا کیا
ایسے کتنے ہی واقعات ہوئے

ساغر نظامی

---

---

گل اپنے غنچے اپنے گلستاں اپنا بہار اپنی
گوارا کیوں چمن میں رہ کے ظلم باغباں کر لیں

ساغر نظامی

---

---

حسن نے دست کرم کھینچ لیا ہے کیا خوب
اب مجھے بھی ہوس لذت آزار نہیں

ساغر نظامی

---

---

کافر گیسو والوں کی رات بسر یوں ہوتی ہے
حسن حفاظت کرتا ہے اور جوانی سوتی ہے

ساغر نظامی

---

---

خراماں خراماں معطر معطر
نسیم آ رہی ہے کہ وہ آ رہے ہیں

ساغر نظامی

---

---

نظر کرم کی فراوانیوں پہ پڑتی ہے
پھر اپنے دامن خاکی کو دیکھتا ہوں میں

ساغر نظامی

---

---