سیلاب تبسم سے درمان جراحت کر
ٹکڑے دل بسمل کے آلودۂ خوں کب تک

ساغر نظامی

---

---

سجدے مری جبیں کے نہیں اس قدر حقیر
کچھ تو سمجھ رہا ہوں ترے آستاں کو میں

ساغر نظامی

---

---

تخلیق اندھیروں سے کئے ہم نے اجالے
ہر شب کو اک ایوان سحر ہم نے بنایا

ساغر نظامی

---

---

تیرے نغموں سے ہے رگ رگ میں ترنم پیدا
عشرت روح ہے ظالم تری آواز نہیں

ساغر نظامی

---

---

وہ مری خاک نشینی کے مزے کیا جانے
جو مری طرح تری راہ میں برباد نہیں

ساغر نظامی

---

---

وہ سوال لطف پر پتھر نہ برسائیں تو کیوں
ان کو پروائے شکست کاسۂ سائل نہیں

ساغر نظامی

---

---

یہی صہبا یہی ساغر یہی پیمانہ ہے
چشم ساقی ہے کہ مے خانے کا مے خانہ ہے

ساغر نظامی

---

---