pahle bhi KHuda ko manta tha
aur ab bhi KHuda ko manta hun

Sabir Zafar

---

---

subh ki sair ki karta hun tamanna shab bhar
din nikalta hai to bistar mein paDa rahta hun

Sabir Zafar

---

---

shikayat us se nahin apne-ap se hai mujhe
wo bewafa tha to main aas kyun laga baiTha

Sabir Zafar

---

---

sham se pahle teri sham na hone dunga
zindagi main tujhe nakaam na hone dunga

Sabir Zafar

---

---

shaeri phul khilane ke siwa kuchh bhi nahin hai to 'zafar'
bagh hi koi lagata ki jahan khelte bachche ja ka

Sabir Zafar

---

---

sar-e-sham luT chuka hun sar-e-am luT chuka hun
ki Dakait ban chuke hain kai shahr ke sipahi

Sabir Zafar

---

---

nae kapDe badal aur baal bana tere chahne wale aur bhi hain
koi chhoD gaya ye shahr to kya tere chahne wale aur bhi hain

Sabir Zafar

---

---

muD ke jo aa nahin paya hoga us kuche mein ja ke 'zafar'
hum jaisa be-bas hoga hum jaisa tanha hoga

Sabir Zafar

---

---

na intizar karo in ka ai aza-daro
shahid jate hain jannat ko ghar nahin aate

Sabir Zafar

---

---