wo log aaj KHud ek dastan ka hissa hain
jinhen aziz the qisse kahaniyan aur phul

Sabir Zafar

---

---

yahan hai dhup wahan sae hain chale jao
ye log lene tumhein aae hain chale jao

Sabir Zafar

---

---

ye ibtida thi ki main ne use pukara tha
wo aa gaya tha 'zafar' us ne intiha ki thi

Sabir Zafar

---

---

ye zaKHm-e-ishq hai koshish karo hara hi rahe
kasak to ja na sakegi agar ye bhar bhi gaya

Sabir Zafar

---

---

'zafar' hai behtari is mein ki main KHamosh rahun
khule zaban to izzat kisi ki kya rah jae

Sabir Zafar

---

---

'zafar' wahan ki jahan ho koi bhi had qaem
faqat bashar nahin hota KHuda bhi hota hai

Sabir Zafar

---

---

ilaj-e-ahl-e-sitam chahiye abhi se 'zafar'
abhi to sang zara fasle pe girte hain

Sabir Zafar

---

---

ajab ek be-yaqini ki faza hai
yahan hona na hona ek sa hai

Sabir Zafar

---

---

apni yaaden us se wapas mang kar
main ne apne-ap ko yakja kiya

Sabir Zafar

---

---