ai kash KHud sukut bhi mujh se ho ham-kalam
main KHamushi-zada hun sada chahiye mujhe

Sabir Zafar

---

---

kahti hai ye sham ki narm hawa phir mahkegi is ghar ki faza
naya kamra saja nai shama jala tere chahne wale aur bhi hain

Sabir Zafar

---

---

kaise karen bandagi 'zafar' wan
bandon ki jahan KHudaiyan hain

Sabir Zafar

---

---

KHizan ki rut hai janam-din hai aur dhuan aur phul
hawa bikher gai mom-battiyan aur phul

Sabir Zafar

---

---

kisi KHayal ki sarshaari mein jari-o-sari yari mein
apne-ap koi aaega aur ban jaega mehman

Sabir Zafar

---

---

kisi zindan mein sochna hai abas
dahr hum mein hai ya ki dahr mein hum

Sabir Zafar

---

---

kitni be-sud judai hai ki dukh bhi na mila
koi dhoka hi wo deta ki main pachhta sakta

Sabir Zafar

---

---

kuchh be-Thikana karti rahin hijraten mudam
kuchh meri wahshaton ne mujhe dar-ba-dar kiya

Sabir Zafar

---

---

main aise jamghaTe mein kho gaya hun
jahan mere siwa koi nahin hai

Sabir Zafar

---

---