har shaKHs bichhaD chuka hai mujh se
kya jaaniye kis ko DhunDhta hun

Sabir Zafar

---

---

ai kash KHud sukut bhi mujh se ho ham-kalam
main KHamushi-zada hun sada chahiye mujhe

Sabir Zafar

---

---

hum itna chahte the ek dusre ko 'zafar'
main us ki aur wo meri misal ho ke raha

Sabir Zafar

---

---

guzarta hun jo shab ishq-e-be-maash ke sath
to subh ashk mere nashte pe girte hain

Sabir Zafar

---

---

dur tak ek KHala hai so KHala ke andar
sirf tanhai ki surat hi nazar aaegi

Sabir Zafar

---

---

ewafa logon mein rahna teri qismat hi sahi
in mein shamil main tera nam na hone dunga

Sabir Zafar

---

---

ana hua hai mera shahr qatl-gah koi
palaT ke maon ke laKHt-e-jigar nahin aate

Sabir Zafar

---

---

adan ne chhoD diya ruh ne riha na kiya
main qaid hi mein raha qaid se nikal ke bhi

Sabir Zafar

---

---

apni yaaden us se wapas mang kar
main ne apne-ap ko yakja kiya

Sabir Zafar

---

---