dasht ki pyas kisi taur bujhai jati
koi taswir hi pani ki dikhai jati

Ramzi Asim

---

---

ishq tha aur aqidat se mila karte the
pahle hum log mohabbat se mila karte the

Ramzi Asim

---

---

khinch lai hai tere dasht ki wahshat warna
kitne dariya hi meri pyas bujhane aate

Ramzi Asim

---

---

meri jagah pe koi aur ho to chiKH uTThe
main apne aap se itne sawal karta hun

Ramzi Asim

---

---

tamam shahr giraftar hai aziyyat mein
kise kahun mere ahbab ki KHabar rakkhe

Ramzi Asim

---

---

tumhaare sath kai ranj banTne hain hamein
so ek din ke liye zindagi se fursat lo

Ramzi Asim

---

---

ya unhen aati nahin bazm-e-suKHan-arai
ya hamein bazm ke aadab nahin aate hain

Ramzi Asim

---

---

yani koi kami nahin mujh mein
yani mujh mein kami usi ki hai

Ramzi Asim

---

---