hamara KHwab agar KHwab ki KHabar rakkhe
to ye charagh bhi mahtab ki KHabar rakkhe
uTha na paegi aasudgi thakan ka bojh
safar ki gard hi aasab ki KHabar rakkhe
tamam shahr giraftar hai aziyyat mein
kise kahun mere ahbab ki KHabar rakkhe
nahin hai fikr agar shahr ki makanon ko
to koi dasht hi sailab ki KHabar rakkhe
Ghazal
Hamara KHwab agar KHwab ki KHabar rakkhe
Ramzi Asim