'qaem' jo kahen hain farsi yar
is se to ye reKHta hai behta
Qayem Chandpuri
pahle hi apni kaun thi wan qadr-o-manzilat
par shab ki minnaton ne Dubo di rahi sahi
Qayem Chandpuri
pahle hi gadha mile jahan shaiKH
us kaba ko hai salam apna
Qayem Chandpuri
parwane ki shab ki sham hun main
ya roz ki shama ki sahar hun
Qayem Chandpuri
puchho ho mujh se tum ki piyega bhi tu sharab
aisa kahan ka shaiKH hun ya parsa hun main
Qayem Chandpuri
'qaem' hayat-o-marg-e-buz-o-gaw mein hain nafa
is mardumi ke shor pe kis kaam ka hun main
Qayem Chandpuri
'qaem' main iKHtiyar kiya shaeri ka aib
pahuncha na koi shaKHs jab apne hunar talak
Qayem Chandpuri
qazi KHabar le mai ko bhi likkha hai wan mubah
rishwat ka hai jawaz teri jis kitab mein
Qayem Chandpuri
'qaem' main reKHta ko diya KHilat-e-qubul
warna ye pesh-e-ahl-e-hunar kya kamal tha
Qayem Chandpuri